Sou yon fon nwa
M t anvi depoze koulè bonè
M t bezwen kwaze solèy
Donk m t oblije leve bonè
Ak on chemizèt gri
M te ton sou ton avèk tan an
Yon kanson vèt kou gazon
M t anvi fè l de tout fason
Lari te blanch
Te gen ti takte wouj san
Sèl ti pwent tèt
Nan fenèt
M konnen fòm dousman
Byen souvan
On moun sòti s on dènye aksyon
L ap pran tout prekosyon epi w tande l viktim bal mawon
Epoutan
Se toutan
M tcheke bon an
Nan move zòn
M konn bezwen ti sipò
Lè s ak demon m yo m ap twoke kòn
Nan met koulè sou koulè
Finalman m konn g on palèt
Aprè m pati tou bèl
Ap gad nègès k ap bay payèt
Kas nan zòrèy
Bout hip hop
Ou gentan konn kisa k ap fèt
Nan Tout nan zòtèy mw li reponn
Li anvayi m nèt se pa jwèt
Ou di kanèl m di weed
Ni bon Vèt la m di w wii
M ap redi man sou filing
M sou filing
Nwa
Toupatou lavi nou sanble
Pou koulè po nou konmsi pou yo n reprezante danje
Nou fè lirstwa na sonje
Kolon yo pa janm chanje
Yo toujou sou ladefansif
Kòmsi pou n pa janm vanje
Yo bati wayòm yo sou soufrans nou
Yo anlè y ap ri jòn
Fin Volò n
Piye lòn
Aprè vin di n yo miyò n
Se yo k pou pè
N pa ka mawon
Nou pot doulè n
Devan bawon
Yo te fin ble nou ak baton
Nou pa ka rele yo patwon
Chak jou N ap pran pil desepsyon
Yo agrese nou tout lè
M p ap fè okenn eksepsyon
Tout rasis rayi koulè
Vann nou modèl bote k lage n nan pase krèm
K ap fè n met kò n sou kote
Ak vye jijman k ap kraze kè n
Yap plis piye afè n
Moun sa yo p ap ret prèn
Frè n ak sè n yo
Pa madsèn
Pawòl yo vin tou nwa
Ou pa klè men pa twaze yo
Rebèl y antipouvwa
M pa kyè man si m fwase yo
Yo krache sou doulè nou konbyen fwa
Fè n kwè fòk nou dou lè yo bafwe vwa n
Men n pote tout doulè nou yo nan vwa n
Nou konn chak zetwal nan syèl la ka klere vwa n
Yo chifonnen lonè nou plizyè fwa
Fè n kwè lakoz koulè nou n pa gen dwa
Men n pote lakansyèl nou yo nan vwa n
Scat nou yo
Konplent nou
Dans nou yo
O ginen yo pran men nou
Limyè a nou mande kouvri nou
O lwa n yo goumen pou nou
Nou Bare
Nou mele
Nou bouke
Vini nou andanje
