Seit a paar Wochen is er wia voändert,
seit a paar Wochen is er wida jung!
Er flackt im Rasen hinten in da Sunna,
und sagt des oarbatn is mir vü z'dumm.
Er tragt blue Jeans und de Haar wachsen eam ins Gnack,
er strahlt übers ganze Gsicht;
und de Kotlettn tragt da wia da Elvis Presley,
i was net wos is mit meim Voda passiert.
Da Rasen derf nimma gmaht werdn, er braucht Wildnis,
hat er z'letzt amal an Nachbar gsagt.
Und wei der bled dahergredt hat hat er sei Hosn obizogn,
und eam an nackatn Arsch umizoagt.
Mei Papa hat Marioannabam, seitdem is der Typ wieder völlig normal,
mei Voda raucht jeden Tag a Hand voi Schitt,
und i ois braver Bua, i rauch natürlich mit!
Geweida Burli hat er z'letzt amal gsagt zu mir,
hau di zuber da jetzt rauch ma uns gschaid ein.
Er hat an rotn Libanessen übern Tisch umigschom,
i hob ma denkt das is nimma dakrei.
Und wia er zua woa wia a Nasn im Winter,
hat er sei Ziran virazaht,
und einen wahnsinn Sound durch Reichahall gjagt,
da habm sie d'Ohrwaschl im Dreieck draht.
Er is a lustigs Birschal warn mei Voda,
und a mei Großmutta raucht fleißig mit.
Des war a Arbat bis ma de soweit ghabt ham,
oba zum Schluß hat sis dann doch kappiert.
Drum wachsen jetzt auf unserm Rasen
wo da Voda oiwei liegt,
Marioannabam im Himmel nauf,
und jeden Tag in da Fruah siegst as stehn de zwoa,
eingehüllt im blauen Rauch!
Mei Voda hat Marioannabam,
seitdem is der Typ wieder völlig normal,
mei Voda raucht jeden Tag an Eima voi Schitt,
und i ois braver Bua, i rauch natürlich mit!
