Der Neuwagenbesitzer
I fahr ganz gmiatlich aufm Oidstodtring
Mit meim neun Wogn
Hobn gestern erst vom Händler ghoit
Zehn Kilometa san drobn
Wia i eibiag in die Prinzregenten
Kimmt a so a Depp
Mit seim Radl aufm Radlweg
Ja i brems fei do net
Er brennt ma eini und dann hautsn
Üba d´Kühlahaubn auf d´Strass
Sakrament mei neue Wogn
Do griag i ja glei an Hass
I hau eam glei a gscheide eini
Und geh ums Auto ummadum
Und mia foit a Stoa vom Herzn
I sig koan Kratzer und koa Duin
Do kennan Kniascheibn kracha
Boana brecha und wenns Gebiss raus fliagt
De Hauptsach, de Hauptsach
Meim Wogn is nix passiert
De Hauptsach, de Hauptsach
Meim Wogn is nix passiert
Dann fahr i außi auf de Autobahn
Und ziagn richtig nauf
A hoibe Stund vno null auf hundert
Des hoitst im Kopf net aus
Na ja i muaßn scho gscheit eifahrn
Dann griag i scho wos drauf
Sonst moan i wars boid gscheida gwehn
I hätt ma Roischuah kauft
Dann sig i wia von hint a Rocker kimmt
Und der kimmt furchtbar schnell
Dem Saubuam werd i helfa
De ghörn doch eh an d´Wand hi gstellt
I reiß mei Steuer ganz nach rechts
Ja sowos macht an Spaß
Jetz ackert er in Richtung Daglfing
Durchs meta hohe Gros
Do kennan Kniascheibn kracha
Boana brecha und wenns Gebiss raus fliagt
De Hauptsach, de Hauptsach
Meim Wogn is nix passiert
De Hauptsach, de Hauptsach
Meim Wogn is nix passiert
Mei Oide hot mi so lang bettlt
Bis i endlich ja gsogt hob
Jetz is seit oana Stund verschwundn
Sche langsam griag i Angst
I hob ihra eh no ois erklärt
Normalerweis konn nix passiern
Aba a Weibsbuid hinterm Steuer
Fahrt hoit oiwei ohne Hirn
Noch drei Stund is na endlich kemma
Ihr Gsicht war ganz voi Bluat
S´Nosnboa war brocha
Ja do griag i ja glei a Wuat
Doch bis auf einen Teppich dens versaut hot
hot eam net vui gfehlt
Und den neun Fuaßobstreifa
Ziag i ihra ob vom Haushoitsgeld
Do konnst da s´Hirn an d´Frontscheibn one haun
Und wenns da s´Greiz vabiagt
De Hauptsach meim Wogn is nix passiert
