Pueta di i tempi andati Teni li to mani accolti Comu hè chè tù ùn volti ? Cù li to canti suminati Suminati. Pueta di i ghjorni d’oghji Alzi la to voci chjara Chì ci chjama è c’impara À discità tutti i poghji Tutti i poghji.
Ripigliu : Pueta di u cori d’omu Chì tù ùn sè mai domu Di bramà a libertà Da tutta l’umanità.}bissu
Pueta di a vita à vena Lampi lu to sgridu rudu Chì lascia lu mondu nudu In preda à tanta pena Tanta pena
Pueta di u locu vivu Viaghji li stradi novi C’insegni à fà i provi Ùn lasciendu à nimu privu Nimu privu.
